كيفيه غناء الراب او بمعنى اخر الاشياء اللي تحتاجها عشان تصير مغني راب ناجح
بسم الله نبدا
اولا:: لازم اهم شي ان يكون عندك كمبيوتر محمول ((( لاب توب )))
ثانيا:: لازم يكون عندك مايك شلون بتغني بدون مايك هع هع اذا ماعرفت وين تشتري مايك روح محل الكمبيوترات وخذ لك سماعات فيها مايكروفون
ثالثا:: اهم شي بدونه انت ولا شي في الراب اللي هو (( برامج الهندسه)) منهم :: كول ادت ،،، ادوبي ادشن ،،، غولد وايف ،،، مكس كرافت والكثير منهم الخ...الخ لازم تنزل هالبرامج انا شخصيا استخدم برنامج ادوبي ادشن 1.5 لانه الصراحه سهل جدا نفس استعمال كول ادت ((بالظبط)) انتوا تدرون ان ادوبي ادشن كان اسمه كول ادت بس شركه ادوبي اشترت البرنامج وغيرت اسمه
رابعا:: لازم يكون عندك لحن شلون بتغني بدون لحن هع هع اذا ماعرفت وين تنزل الالحان دش منتدى الالحان وخذ الحان الاعضاء اللي مسويينهم او اطلب من عضو انه يسويلك لحن
خامسا:: طريقه كتابه الكلمات يستحسن انك اذا كنت مبتدا تاخذ الحان مدتها قصيره يعني مدتها ماتتعدى الــ2 دقيقتين عشان تقدر تالف الكلمات بسهوله طريقه المشي على اللحن لازم تاخذ لك دفتر كبير عشان تقدر تكتب اكثر من فيرس الطريقه هي انك لازم كل ماتكتب كلام شغل اللحن وغن شوف اذا الكلمات ماشيه على اللحن او لا وحاول انك تكتب كلام له معنى مب تكتب كلام ماينفهم
سادسا:: لازم وانت تغني توضح صوتك عشان الناس اللي يسمعونك يفهمون انت شقاعد تقول
سابعا:: بما انك مبتدا لاتطلع دسات خلك على الاغاني الهادفه بعدين اذ شفت نفسك تطورت في الراب وصوتك اوكي وكلماتك مفهومه وكذا دش قسم التحديات وتحدى أي واحد من الاعضاء وحاول انك تتغلب عليه ولازم تكون عندك الروح الرياضيه لما تتحدى واحد وخل الناس هم اللي يحكمون عن اغانيك مب انت تقول خلاص انا فنان هذا كلام مب معقول لازم تنزل اغانيك وتخلي الناس يسمعون ويحكمون
ثامنا:: لازم تختار لحن يجذب المستمع يعني لاتاخذ الحان حزينه او معقده ركز على الالحان القويه ةالحلوه عشان تخلي المستمع اول مايشغل الاغنيه على طول ينزلها
تاسعا:: غن تقريبا خمس اغاني ونزلها وخل هذي الاغاني تكون بدايت احترافك في الراب حاول انك تتكلم عن الواقع اللي يصير في هذي الحياه عشان الاغنيه تصير ناجحه
عاشرا:: حاول انك تغني بحماس وخل صوتك يطلع مب تغني جنك ميت دايما خل اسلوبك متوسط على حسب اللحن اذا اللحن سريع خل غناءك سريع اذا اللحن بطيئ خل غناءك بطيئ
حادي عشرا:: لازم تكون عندك شخصيه واسلوب لاتقلد اسلوب رابر خل الناس هم اللي يقلدونك عشان تكون لك قيمه في الراب
الخاتمه:: طبعا ياشباب الشهره ماتجي في يوم ولا يومين الشهره يبيلها شهور او اسابيع عشان تشتهر وهاي على حسب اغانيك خذ النصايح اللي فوق وانشاء الله راح تكون مدمر في الراب
الأربعاء أغسطس 12, 2009 5:59 am
